ՀՀ Կրթության եւ գիտության նախարար Արմեն Աշոտյանը մասնավոր այցով Վրաստանում է: Facebook սոցցանցի իր էջում նախարարը գրել է, որ վրացի գործընկերոջ հետ վիրահայերի կրթական հարցերին առնչվող քննարկում է ունեցել:

«Վրաստան կատարած անձնական այցը բավական արդյունավետ էր։

Բացի Ջավախքում ունեցած հանդիպումներից եւ միջոցառումներից, Թբիլիսիում շատ օգտակար ոչ ֆորմալ քննարկումներ ունեցա Վրաստանի իմ գործընկերոջ հետ հայ-վրացական համագործակցության մասին եւ մեր հայրենակիցների կրթական հիմնախնդիրների շուրջ։

Հույս ունեմ, որ մոտ ապագայում վիրահայության մի շարք կրթական հարցեր կկարգավորվեն, իսկ մեր երկու երկրների միջեւ կիրականացվեն կրթական նոր նախագծեր»,- գրել է ԿԳ նախարարը։