Նավթի համաշխարհային գները նվազում են պատժամիջոցներից հետո Իրանում նավթի արդյունահանման կտրուկ ավելացման սպասումների ֆոնին: Այդ մասին են վկայում գործարքների տվյալները:
Brent տեսակի նավթի սեպտեմբերյան ֆյուչերսների արժեքը նվազել է 0,48 տոկոսով՝ հասնելով 51,96 դոլարի՝ մեկ բարելի դիմաց:
WTI տեսակի նավթի սեպտեմբերյան ֆյուչերսների արժեքը նվազել է 0,49 տոկոսով՝ հասնելով 46,89 դոլարի՝ մեկ բարելի դիմաց, հաղորդում է «ՌԻԱ նովոստին»:
IRNA գործակալության փոխանցմամբ, Իրանը կարող է նավթի արդյունահանումն ավելացնել օրական 500 հազար բարելով, իսկ մեկ շաբաթ անց, նաեւ օրական 1 մլն բարելով:
Նախորդ ամիս Իրանը օրական մոտ 2,85 մլն բարել նավթ է արդյունահանել, մինչդեռ 2011-ի վերջին այդ ցուցանիշը կազմում էր 3,6 մլն բարել: