ԱՄՆ Իլինոյս քաղաքում փառատոնի ժամանակ վրանը քամուց շուռ է եկել։ Միջադեպից զոհվել է մեկ մարդ, մոտ 20-ը՝ վիրավորվել։
Ինչպես հայտնում է Daily Herald-ը, միջադեպը տեղի է ունեցել օգոստոսի 2-ին Վուդ Դեյլ քաղաքում Prairie Fest փառատոնի ժամանակ։ Տեղական իշխանությունների տեղեկություններով՝ վրանը փլուզվել էր ուժգին քամուց։
Տեղի ոստիկանապետը հայտնել է, որ պատահարից զոհվել է մեկ մարդ, եւս 3-ը ծանր վիրավորվել են։ Հիվանդանոց է տեղափոխվել 17-20 մարդ, գրում է «ՌԻԱ Նովոստի»-ն։
Prairie Fest փառատոնը, որի ժամանակ հանդիսատեսը կարող է կենդանի երաժշտություն լսել եւ համտեսել զանազան կերակրատեսակներ, Վուդ Դեյլում անցկացվում է 2001թ.-ից։
