Սեւանա լճում օգոստոսի 1-ին խեղդվելուց փրկված 25-ամյա երիտասարդը տեղափոխվել է Երեւանի «Սուրբ Գրիգոր Լուսավորիչ» բժշկական կենտրոն:
NEWS.am-ի թղթակցին երեւանյան հիվանդանոցից փոխանցեցին, որ երիտասարդը գտնվում է վերակենդանացման բաժանմունքում, սակայն վիճակն արդեն կայուն է: Ամենայն հավանականությամբ, օգոստոսի 4-ին նա կտեղափոխվի հիվանդասենյակ:
Ավելի վաղ ՏԿԱԻՆ մամուլի ծառայությունը հայտնել էր, որ օգոստոսի 1-ին ` ժամը 12.11-ին ահազանգ է ստացվել, որ Գեղարքունիքի մարզի Սեւանի ԲԿ-ին հարակից լողափում նկատվել է ջրահեղձվող քաղաքացի: Մինչ ջրափրկարարների կանչի վայր հասնելը տուժած 25-ամյա Գ. Ս.-ն լճից դուրս է բերվել տեղի ուժերով: Նա տեղափոխվել է Սեւան քաղաքի ԲԿ, որտեղ բժիշկները տուժածի առողջական վիճակը գնահատել են ծայրահեղ ծանր: