Բաքվի ծանր հանցագործությունների դատարանում շարունակվում է Լեյլա եւ Արիֆ Յունուսների գործով դատավարությունը։ Ինչպես փոխանցում է haqqin.az-ը, դատական գործընթացին ներկա են եղել ԱՄՆ եւ Գերմանիայի դեսպանատների, ինչպես նաեւ Եվրամիության գրասենյակի ներկայացուցիչները։
Նիստի մեկնարկից հետո լրատվամիջոցների ներկայացուցիչներին դահլիճից դուրս են հանել։ Ինչպես լրագրողներին հայտնել է Արիֆ Յունուսի փաստաբան Աֆղան Մամեդովը, նիստի ժամանակ նրա պաշտպանյալի ճնշումը կտրուկ բարձրացել է։ Դատարանի դահլիճ եկած բժիշկները Արիֆ Յունուսին մի քանի ներարկում են կատարել։
Նշենք, որ Յունուս ամուսինները մեղադրվում են հատուկ խոշոր չափերի խարդախության մեջ։ Նրանցից յուրաքանչյուրին սպառնում է 12 տարվա ազատազրկում։