Windows 10 օպերացիոն համակարգն ամբողջ աշխարհում արդեն տեղադրվել է ավելի քան 67 միլիոն սարքավորման վրա, հաղորդում է Windows Central-ը՝ վկայակոչելով ընկերության աղբյուրին։ Դա նշանակում է, որ թողարկմանը հաջորդած օրերին մոլորակում ամեն վայրկյան իրականացվել է միջինը 162 տեղադրում։
Ընդ որում, Windows Insider ծրագրում գրանցվածների թիվը, որոնք հնարավորություն են ստացել արտոնյալ կարգով այդ ծրագիրը տեղադրել որպես նորացում, Windows 10-ի թողարկման պահին կազմել է մոտավորապես 5 միլիոն, հաղորդում է Gazeta-ն։
Microsoft-ը հույս ունի առաջիկա երեք տարվա ընթացքում հասնել Windows 10-ի 1 միլիարդ տեղադրման։ Ներկայումս հասանելի են ОС Home եւ Pro, ինչպես նաեւ Enterprise եւ Education տարբերակները։ Windows 10 Mobile -ի թողարկումը տեղի կունենա աշնանը։