Եղանակի կանխատեսման որոշ միջազգային կայքերի տվյալներով կիրակի՝ օգոստոսի 2-ին, Երեւանում օդի ջերմաստիճանը եղել է 43 աստիճան: NEWS.am-ը կապ հաստատեց Հայպետհիդրոմետ ծառայության օպերատիվ հիդրոօդերեւութաբանական կանխատեսումների կենտրոնի պետ Զարուհի Պետրոսյանի հետ, որը վստահեցրեց, որ կիրակի օդի ջերմաստիճանը չի գերազանցել 40 աստիճանը:
Զարուհի Պետրոսյանը նշեց, որ ըստ կանխատեսումների՝ այսօր նույնպես օդի ջերմաստիճանը կլինի 40 աստիճան: Այն կպահպանվի մինչեւ օգոստոսի 6-ը, այնուհետեւ կնվազի մի քանի աստիճանով, օգոստոսի 8-ին հասնելով 34-36 աստիճանի: