ՀՀ նախագահ Սերժ Սարգսյանն այսօր ընդունել է Համահայկական ամառային վեցերորդ խաղերի կազմակերպիչներին, հովանավորներին եւ պատվավոր հյուրերին: Նախագահի նստավայրում ի պատիվ հյուրերի կայացած ընդունելությունից առաջ, տեղի է ունեցել պարգեւատրման արարողություն.
Համահայկական վեցերորդ խաղերի կազմակերպման գործում ներդրած նշանակալի ավանդի համար Հանրապետության նախագահի հրամանագրերով մի խումբ անձինք պարգեւատրվել են Երախտագիտության մեդալով:
Նախագահի կարգադրությամբ մի խումբ անձինք էլ պարգեւատրվել են Հայաստանի Հանրապետության Նախագահի շնորհակալագրով՝ համահայկական վեցերորդ խաղերի նախապատրաստման եւ անցկացման աշխատանքներում ունեցած գործուն մասնակցության համար:
