Իսպանիայի քաղաքացիական գվարդիան Մարոկկոյի անվտանգության ուժերի հետ համատեղ, այսօր՝ օգոստոսի 3-ին, կանխել է մոտ 400 ապօրինի միգրանտների մուտքը Իսպանիայի Մելիլիա ինքնավար քաղաքի տարածք: Այս մասին գրում է իսպանական El País թերթը:
Թերթի փոխանցմամբ, տեղի ժամանակով 06.30-ի սահմաններում ապօրինի ներգաղթյալները մտադիր էին անցնել երկու երկրների սահմանային ցանկապատով, սակայն անվտանգության ուժերին հաջողվել է կանգնեցնել նրանց, հաղորդում է ՏԱՍՍ-ը:
Մելիլիան գտնվում է Աֆրիկայի հյուսիսում եւ Իսպանիայի ինքնավար քաղաքի կարգավիճակ ունի: Վերջին անգամ ապօրինի միգրանտները փորձել են Իսպանիայի տարածք մտնել այս տարվա մայիսի 1-ին:
Ընդհանուր առմամբ, այս տարվա ընթացքում արձանագրվել է 12 նման դեպք: 3,7 հազար աֆրիկացիներից 105-ին հաջողվել է հասնել իրենց նպատակին: 2014 թվականին 2 հազար ոչ ապօրինի միգրանտների հաջողվել է հասնել իսպանական քաղաք:
