Կրեմլում համոզված են, որ Սիրիայում զինված ուժերի դիրքերին հարվածելու ԱՄՆ պլանները կհանգեցնեն երկրում իրավիճակի հետագա ապակայունացման: Սա բավական արմատական տարաձայնություն է Մոսկվայի եւ Վաշինգթոնի միջեւ եւ դա բոլորովին գաղտնիք չէ: Այդ տարաձայնությունները երբեք չեն թաքցվել, դրանք ակնհայտ են»,-հայտարարել է Ռուսաստանի նախագահի մամուլի խոսնակ Դմիտրի Պեսկովը՝ պատասխանելով հարցին, թե ինչպիսին կլինի Մոսկվայի արձագանքը Վաշինգթոնի պալններին, հաղորդում է ՏԱՍՍ-ը:
Նրա խոսքով, Կրեմլում «բազմիցս ընդգծել են, որ Սիրիայի ընդդիմությանը տրվող օգնությունը, առավել եւս ֆինանսական ու տեխնիկական միջոցներով, հանգեցնում է այդ երկրում իրավիճակի հետագա ապակայունացման»:
Պեսկովը հավելել է, որ «դա հանգեցնում է նրան, որ, ըստ էության, երկրում ստեղծվում է մի վիճակ, որից կարող են օգտվել ՌԴ-ում արգելված «Իսլամական պետություն» խմբավորման ահաբեկիչները: «Որովհետեւ թուլացած ղեկավարությունն այդկերպ կորցնում է «ԻՊ»-ի հետագա տարածմանը հակազդելու իր ներուժը»,-պարզաբանել է Կրմելի ներկայացուցիչը: