Երևանի Կիևյան կամրջից այսօր՝ օգոստոսի 3-ին, ինքնասպանության փորձ կատարած կինը, որը պահանջում էր հանդիպում ՀՀ ոստիկանապետ Վլադիմիր Գասպարյանի հետ, այսօր հեռախոսազրույց է ունեցել նրա հետ: Այս մասին NEWS.am-ին տեղեկացրին ոստիկանության լրատվական ծառայությունից:
Կինը ոստիկանապետի հետ հեռախոսով զրուցել է ոստիկանությունից, ուր նրան տեղափոխել էին Կիեւյան կամրջից, այն բանից հետո, երբ Երեւանի ոստիկանապետ Աշոտ Կարապետյանը կնոջը համոզել էր չնետվել կամրջից:
Ինչի մասին են զրուցել Լուսինեն եւ ոստիկանապետը, եւ որտեղ է այժմ Լուսինեն, ոստիկանությունից չհայտնեցին։
Հիշեցնենք, որ 30-ամյա կինը մի քանի ժամ մնաց կամրջին՝ արգելապատնեշից այն կողմ: Ոստիկանապետը երկար ժամանակ նրան համոզեց ցած չնետվել, ինչից հետո կնոջը դուրս բերեցին մայթ եւ տեղափոխեցին ոստիկանություն: Նշենք, որ կինը կամրջի մոտ էր եկել իր երկու մանկահասակ երեխաների հետ, նա հայտարարում էր, որ «ոստիկաններն իր փողերը կերել են» եւ պահանջում էր հանդիպում ՀՀ ոստիկանապետ Վլադիմիր Գասպարյանի հետ:
