Ռուսաստանի պետդումայում օրենքի նախագիծ են մշակում, որը կարգելի պաշտոնյաներին եւ պետծառայողներին աշխատավայրում սոցիալական ցանցերից օգտվել: Այս մասին հայտարարել է Պետդումայի տեղեկատվական քաղաքականության հանձնաժողովի փոխնախագահ Վադիմ Դենգինը, հաղորդում է «Իզվեստիան»:
«Պետական ծառայողները աշխատանքային համակարգիչներով սոցիալական ցանցերում շփվելու անհրաժեշտությունը չունեն, որպեսզի չծախսեն իրենց ժամանակը, քանի որ ամեն մեկն ունի իր պարտականություններն ու խնդիրները եւ ներքին ցանցերի անվտանգության նպատակներով նման ծառայությունների արգելափակումը հիմնավորված է: Իհարկե, դա չպետք է վերաբերի այն պաշտոնյաներին, որոնք սոցիալական ցանցերն օգտագործում են բնակչության հետ շփումների համար»,-ասել է նա:
Դենգինը նաեւ հայտարարել է, որ սոցիալական ցանցերի մեծ մասը մշակել են օտարերկրյա ընկերությունները, եւ դրանք կարող են օգտագործվել երկրի դեմ՝ տեղեկատվական պատերազմների ժամանակ: