Ուկրաինայի ԱԳՆ-ն Ռուսաստանի դեմ պատժամիջոցների 5-րդ փաթեթն է պատրաստել, որն արդեն ուղարկել է կառավարություն: Այս մասին հայտարարել է այդ երկրի ԱԳ նախարար Պավել Կլիմկինը ictv հեռուստաալիքի «Խոսքի ազատություն» հողարոդման եթերում, հաղորդում է «Ուկրինֆորմը»:
«Պատժամիջոցների փաթեթը պատրաստ է: Ես անձամբ իմ ստորագրությամբ այն ուղարկել եմ Կառավարություն»,-ասել է նա:
Կլիմկինը հույս է հայտնել, որ պատժամիջոցները մոտ ժամանակներս կհաստատվեն: Նախարարը նաեւ նշել է, որ Ղրիմը կվերադառնա Ուկրաինայի կազմ: «Ղրիմի հետագա ճակատագրի առումով խնդիրն այն է, թե երբ եւ ինչ պայմաններում այն կվերադառնա Ուկրաինայի կազմ, ոչ թե այն՝ արդյոք ընդհանրապես Ղրիմը կվերադառնա՞, թե ոչ, ընդգծել է նա: