Ռուսաստանի ԱԳ նախարար Սերգեյ Լավրովիը ԱՄՆ պետքարտուղար ջոն Քերրիի հետ բանակցությունների ժամանակ պատմել է «Իսլամական պետություն» խմբավորման դեմ պայքարում ՌԴ նախագահ Վլադիմիր Պուտինի պլանների մասին, գրում է «Կոմերսանտը»:
Ռուսական կողմն առաջարկում է լայն կոալիցիա ստեղծել, որին կմասնակցեն Սիրիայի եւ Իրաքի, տարածաշրջանի այլ երկրների բանակների զինծառայողներն ու քրդերը, նշել է Լավրովը:
Միաժամանակ, հայտնի է դարձել, որ ԱՄՆ-ը Սիրիայի նկատմամբ նոր ռազմավարություն է ընդունել, որի համաձայն «չափավոր ընդդիմության» նկատմամբ ցանկացած սպառնալիք կարող է Վաշինգթոնի համար զինված միջամտության պատճառ դառնալ:
Լավրովի խոսքով, ռուսական կողմը ընդգծել է ԱՄՆ մոտեցման ոչ լեգիտիմությունն ու անարդունավետությունը, երբ մեկ տարի առաջ հայտարարվել էր Իրաքում եւ Սիրիայում ԻՊ-ի դեմ պայքարի կոալիցիա ստեղծելու մասին, որի վերաբերյալ ստացվել էր Իրաքի կառավարության համաձայնությունը, սակայն գործողությունները չէին համաձայնեցվել Դամասկոսի հետ:
