Հնդկաստանի արեւմտյան Տհանե քաղաքում բնակելի շենք է փլուզվել, որի հետեւանքով մահացել է առնվազն 11, վիրավորվել 7 մարդ, հաղորդում է India Today-ը:
Նշվում է, որ նրանցից 4-ը նույն ընտանիքի անդամներ են, մեկ մարդ համարվում է անհետ կորած, հաղորդում է Gazeta-ն:
Փլուզումը տեղի է ունեցել տեղի ժամանակով գիշերը ժամը 2.30-ին, երբ բնակիչների մեծ մասը քնած են եղել: Միջադեպի պատճառը պարզ չէ:
Լրատվամիջոցները հստակեցնում են, որ շենքը կառուցվել է մոտ 50 տարի առաջ եւ համարվում էր վթարային: