Մերձմոսկովյան շրջանում դպրոցական աղջիկը մահացել է երկաթուղու վրա սելֆի անելու ժամանակ։ Այս մասին հայտնում է ՏԱՍՍ-ը՝ վկայակոչելով ՌԴ Քննչական կոմիտեի տրանսպորտի հարցերով միջշրջանային քննչական վարչությանը։
Երեք անչափահաս ընկերուհիներ եկել էին Մոսկովյան երկաթուղու Տոլստոպալցեւոյի կայարան, որպեսզի անսովոր սելֆիներ անեն։ Նրանցից մեկը բարձրացել էր կայարանում կանգնած բեռնատար գնացքի ցիստեռնի վրա եւ կպել էլեկտրական հաղորդալարերին։ Աղջիկը 27 հազար վոլտ հզորությամբ հոսանքի հարված էր ստացել եւ տեղում մահացել։
Փաստի առթիվ ստուգումներ են իրականացվում։