Իրանական նավթի աճող առաջարկն ու Չինաստանում դրա պահանջարկի նվազումը կարող են ազդել նավթի համաշխարհային գների հետագա նվազման վրա։ Այս մասին օգոստոսի 4-ին լրագրողներին հայտարարեց տնտեսագետ Վիլեն Խաչատրյանը։
«Հենց հիմա Իրանը պատրաստ է շուկա դուրս բերել մոտ 50 մլն բարել նավթ։ Բնականաբար դա կարող է գների հետագա անկման պատճառ դառնալ»,- նշեց Խաչատրյանը։
Նրա կարծիքով՝ մյուս կողմից Չինաստանում պակասել է նավթի պահանջարկը։ Հուլիսին Caixin/Markit-ի մասնավոր ինդեքսը կրճատվել է 5-րդ ամիսն անընդմեջ եւ հասել է երկու տարվա նվազագույնին։ «Դա կարող է բերել նավթի գնի անկմանը, ինչը չի կարող չանդրադառնալ Ռուսաստանում տիրող իրավիճակի, իսկ դրա միջոցով նաեւ Հայաստանի վրա»,- նշեց տնտեսագետը։