Samsung ընկերությանը դեռեւս չի հաջողվում սմարթֆոնների շուկայում արժանի մրցակից դառնալ Apple-ին: Իր դիրքը բարելավելու համար հարավկորեական արտադրողը որոշել է նկատելիորեն նվազեցնել ֆլագմանյան Galaxy S6 սմարթֆոնի եւ դրա ճկվող դիսփլեյով տարբերակի՝ Galaxy S6 Edge-ի գները:
Ինչպես հաղորդում է Cnews-ը՝ վկայակոչելով Android Authority ռեսուրսը, Galaxy S6-ի բազային մոդելն այժմ վաճառվում է Եվրոպայում Samsung-ի ֆիրմային խանութներում 599 եվրոյով (32 ԳԲ հիշողությամբ եւ մեկ SIM քարտով): Գինը նվազել է 100 եվրոյով կամ 14 տոկոսով (նախնական գնից):
Galaxy S6 Edge-ի գինն ավելի զգալի է նվազել: Այն այժմ հասանելի է 699 եվրոյով (նվազումը կազմել է 150 եվրո):
