News
Լրահոս
News
Հինգշաբթի
Մարտ 28
Տեսնել լրահոսը


Աշխատասիրության ամենաբարձր աստիճանը հայ ժողովրդի առանձնահատուկ հատկություններից մեկն է, «Ամերիկայի Ձայնին» պատմել է Սիլիկոնի հարթավայրից ընտրված կոնգրեսական Աննա Էշուն: Աննա Էշուն, ում մայրը հայ էր, իսկ հայրն՝ ասորի եւ ով համարում է դա հիանալի միասնություն, հիշեցնում է, որ իր ընտրատարածքը Միացյալ Նահանգների տեխնոլոգիապես ամենազարգացած վայրն է.

«Իմ կոնգրեսական ընտրատարածքը իրոք երկրում ամենաականավորն է, քանի որ այն նորարարությունների հայրենիքն է: Այն Սիլիկոնի հարթավայրն է, որն անչափ մեծ նշանակություն ունի Ամերիկայի եւ ողջ աշխարհի տնտեսության համար»:

Անդրադառնալով իր հայ արմատներին, Աննա Էշուն ավելացնում է, որ դարեր շարունակ հայկական առանձնահատկություններն են եղել աշխատասիրությունն ու հավատքը: Նրա խոսքով, հայ ժողովուրդն ունի արտակարգ աշխատանքային էթիկա եւ հայերի միակ աշխատաոճը ջանասիրությունն է:

«Երբ գործդ սկսեցիր, կանգ չես առնում, մինչեւ չավարտես՝ սա է մեր աշխատաոճը: Եւ մեր ժողովուրդը ունի եւս մեկ հատկանիշ՝ մենք երբեք չենք վախեցել անհաջողություններից, ու չնայած դրանց, շարունակել ենք առաջընթացը»:

Խորը հավատը հայերի մեկ այլ առանձնահատկություն է, որը կոնգրեսականի խոսքով, հայ ժողովրդին է շնորհված Աստծո կողմից. «Չեմ կարծում, որ մեզ կհաջողվեր փրկվել եւ դիմակայել անցյալի բոլոր փորձությունները, եթե չունենայինք այդ հավատքը, հավատք, որը մեր ժողովուրդը սերնդե սերունդ է փոխանցել»:

Անդրադառնալով Հայոց ցեղասպանության հարցին`Աննա Էշուն նշեց, որ խորապես հիասթափված է, որ Միացյալ Նահանգները դեռեւս չի ճանաչել Ցեղասպանության փաստը. «Իմ երկիրը դեռեւս Հայոց ցեղասպանության փաստը չի ճանաչել. երբ սա ասում եմ, շունչս կտրվում է»:

Աննա Էշուն հիշեցրեց, որ հայկական արմատներ ունեցող մեկ այլ կոնգրեսականի՝ Ջեքի Սփիրի հետ նամակ են ուղղել գործընկերներին, կոչ անելով հատուկ լսումներ կազմակերպել Հայոց ցեղասպանության փաստի ճանաչման վերաբերյալ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Վրացի խորհրդարանականներն այցելել են Ծիծեռնակաբերդի հուշահամալիր
Հյուրերը ծաղիկներ են խոնարհել Հայոց ցեղասպանության զոհերի հիշատակը...
Թուրքիան երբեք չի ճանաչել Հայոց ցեղասպանությունը եւ շարունակում է պանթյուրքական օրակարգը Կովկասում. Լեմկինի ինստիտուտ
Թուրքիան երբեք չի ճանաչել Հայոց ցեղասպանությունը...
Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր
Հյուրերը շրջեցին նաև Հայոց ցեղասպանության թանգարանում, ՀՑԹԻ ավագ էքսկուրսավար Հասմիկ Մարտիրոսյանի ուղեկցությամբ ծանոթացան մշտական...
Նորվեգիայի ԱԳՆ պետքարտուղարն այցելել է Հայոց ցեղասպանության հուշահամալիր
ՀՑԹԻ տնօրենն անդրադարձ կատարեց նաև Ծիծեռնակաբերդի տարածքում անցյալ դարավերջին Ադրբեջանի Սումգայիթ...
Թուրքական դատարանը «Հայոց ցեղասպանություն» արտահայատությունը խոսքի ազատության մեջ է դիտարկել
Դիարբեքիրի փաստաբանների պալատի նախկին նախագահի եւ անդամների կողմից կազմակերպված Հայոց ցեղասպանության տարելիցի նվիրված հիշատակի միջոցառմանը...
Կիպրոսի ԱԳ նախարարը հարգանքի տուրք է մատուցել Հայոց ցեղասպանության զոհերի հիշատակին
Այնուհետև նախարարն այցելել է Հայոց ցեղասպանության թանգարան-ինստիտուտ...
Ամենաշատ