Ֆրանսիայում այսօր՝ օգոստոսի 4-ին, երեք դեռահասներ են ձերբակալվել՝ երկրի հյուսիս-արեւելքում գտնվող Լաբրի քաղաքի գերեզմանոցում տեղի ունեցած միջադեպի գործով, որտեղ երեկ մի քանի տասնյակ գերեզմաններ են պղծվել: Այս մասին հաղորդում է Agence France-Presse-ը՝ վկայակոչելով Բրիե Իվ Լե Կլերի դատախազը:
Դատախազը հստակեցրել է, որ ձերբակալվածներից երկուսը 14 եւ 15 տարեկան դեռահասներ են: Նրանք ժամանակավորապես կալանավորվել են՝ խուլիգանության կասկածանքով: Լե Կլերի խոսքով, դեռահասները խոստովանել են հանցանքը՝ իրենց արարքը բացատրելով գոթերի ենթամշակույթին ունեցած հակվածությամբ:
Նրանց հետ 12-ամյա աղջիկ է ձերբակալվել, սակայն նրան միայն հարցաքննել են: Քննիչների տվյալներով, նա չի մտել գերեզմանոցի տարածք եւ չի մասնակցել գերեզմանների պղծմանը, հաղորդում է ՏԱՍՍ-ը:
Գերեզմանների պղծման համար դեռահասներին սպառնում է մինչեւ 6 ամսվա բանտարկություն: