Hubble աստղադիտակն արձանագրել է մեր մոլորակից 6 հազար լուսային տարվա հեռավորությամբ՝ Աղեղնավորի համաստեղությունում տեղակայված NGC 6818 մոլորակային միգամածությունը:
Ըստ Informing-ի, աստղադիտակը նկարահանել է միգամածության կենտրոնում գտնվող աստղի կործանումն ու ճերմակ գաճաճի վերածվելը:
Հավելենք, որ NGC 6818 միգամածությունը բացահայտվել է 1880 թվականի հուլիսի 14-ին: Դրա կենտրոնում գտնվող աստղն աստիճանաբար արտանետել է արտաքին գազային շերտերը, ինչը նախորդում է երկնային մարմնի «մահվանը»:
Միգամածությունը կազմավորվում է հենց աստղի կործանման գործընթացքում: Երբ աստղը վերջնականապես ճերմակ գաճաճի վերածվի, լույսի քանակությունը կտրուկ կնվազի եւ միգամածությունն այլեւս տեսանելի չի լինի: