Ոստիկանության աշխատակիցները որոնում են երեխաների հորը, որոնց մարմիններն այսօր՝ օգոստոսի 4-ին, հայտնաբերվել էին ՌԴ Նիժնի Նովգորոդ քաղաքի բնակարաններից մեկում: Այս մասին հաղորդում է ՆԳՆ Նիժնի Նովգորոդի մարզային վարչությունից:
«Ոստիկանությունը համալիր օպերատիվ միջոցառումներ է իրականացնում անչափահաս երեխաների 52-ամյա հոր գտնվելու վայրը պարզելու ուղղությամբ»,-ասված է հաղորդագրությունում:
Քննության տվյալներով, ընտանիքը, որտեղ դաստիարակվում էին 6 երեխաներ, ապրում էր Նիժնի Նովգորոդում: Հուլիսի 25-ից երեխաները դադարել են այցելել մանկապարտեզ եւ վերջինիս աշխատակիցներն այդ մասին հայտնել են իրավապահներին: Այսօր՝ օգոստոսի 4-ին բնակարանում հայտնաբերվել են երեխաների մասնատված մարմինները:
Ավելի վաղ հաղորդվել էր, որ բնակարանում հայտնաբերվել է 6 երեխաների եւ նրանց հղի մոր մասնատված մարմինները:
LifeNews-ի փոխանցմամբ 51-ամյա Օլեգ Բ.-ն, որին կասկածում են երեխաների սպանության մեջ, «Յոթերորդ օրվա քրիստոնյա ադվենտիստների եկեղեցի» կրոնական կազմակերպության անդամ է: Նա իր մոր հետ մի քանի տարի առաջ եղել է Վլադիմիրի մարզում «Յոթերորդ օրվա քրիստոնյա ադվենտիստների եկեղեցու» անդամ, սակայն Օլեբ Բ.-ին հեռացրել են կրոնական համայնքից՝ «մի շնացիր» պատվիրանը խախտելու համար:
