Ոստիկանությունը նոր մանրամասներ է հայտնել այս տարվա մարտի 8-ին տեղի ունեցած դժբախտ դեպքի մասին:
Ըստ ոստիկանության տարածած հաղորդագրության՝ մարտի 8-ին Երեւանի Սիլիկյան թաղամասի գերեզմանատանը դիակ էր հայտնաբերվել: Դատաբժշկական փորձաքննությունից հետո պարզ էր դարձել, որ մահը վրա էր հասել էլեկտարահարվելու հետեւանքով: Դեպքի առթիվ հարուցվել էր քրեական գործ ՔՕ 104-րդ հոդվածի 1-ին մասի հատկանիշներով:
Ավելի ուշ մահացած տղամարդու ընկերը ներկայացել էր ոստիկանության բաժին եւ պատմել եղելությունը:
«Բարձրացանք Բյուրական, երկու բաժակ խմանք, հետո գնացինք անտառ, պաստանցի կար, մոտեցանք պաստանցուն: Ինքը մոտեցավ, որ բարձրանա պաստանցու վրա, ձեռը տվեց, ըտենց տոկը խփեց: Նստացրի, տեսա՝ մահացած ա, վերցրինք բերեցինք Երեւան»,- պատմել է ընկերը:
Նախաքննությունը շարունակվում է:
Մանրամասները՝ ոստիկանության պատրաստած տեսանյութում: