Ոստիկանությունը թմրամիջոցների ապօրինի յուրացման հերթական դեպքն է բացահայտել:
Ըստ ոստիկանության լրատվական ծառայության, հուլիսի 20-ին ոստիկանության Արմավիրի մարզային վարչության Բաղրամյանի բաժնի աշխատակիցները բերման են ենթարկել 22-ամյա Հարություն Սիսակյանին եւ 31-ամյա Արթուր Դավթյանին, որոնց մոտ հայտնաբերվել է թմրամիջոց:
Պարզվել է, որ երիտասարդները թմրամիջոցը ձեռք են բերել Գոռ Եղիազարյանից, վերջինս էլ՝ Գեւորգ Խուրշուդյանից: 22-ամյա Գոռը պատմել է, որ Հարությունն է իրեն դիմել, ինքն էլ ընդամենն օգնել է: Գեւորգն էլ իր հերթին ցուցմունք է տվել՝ հաստատելով, որ թմրամիջոցն իրենից են ձեռք բերել:
«Մի հատ երեխա ծանոթ ունեի, կանեփ ուզեց, տվեցի»,- ասել է Գեւորգ Խուրշուդյանը:
Փաստի առթիվ հարուցվել է քրեական գործ: Հարություն Սիսակյանը, Արթուր Դավթյանն ու Գոռ Եղիազարյանը ստորագրությամբ ազատ են արձակվել, իսկ Գեւորգ Խուրշուդյանը կալանավորված է:
Մանրամասները՝ ոստիկանության պատրաստած տեսանյութում:
