Ինտելեկտի աներեւակայելի ցուցիչը՝ 162 միավոր, բրիտանացի տասներկուամյա դպրոցական Նիկոլ Բարին հնարավորություն է տվել երկու միավորով գերազանցել ֆիզիկայի ժամանակակից տեսության հիմնադիրներից մեկին՝ Ալբերտ Էյնշտեյնին, ինչպես նաեւ մեր ժամանակների ամենաազդեցիկ ֆիզիկոսներից մեկին՝ Սթիվեն Հոկինգին, տեղեկացնում է The Daily Mirror-ը։
Նման արդյունքը Նիկոլին դնում է մոլորակի ամենախելացի մարդկանց հետ նույն շարքում, գրում է պարբերականը։
«Նա շատ, շատ աշխատասեր է։ Դասից հետո նա մնում է երկարօրյա պարապմունքներին եւ առայժմ ոչ մի օր չի բացակայել», - պատմել է աղջկա մայրը՝ ավելացնելով, որ Նիկոլը պատրաստվում է մանկաբույժ դառնալ։
«Լավ է, որ մենք հայտնվել ենք լուրերում, գուցե ինչ-որ բան փոխվի դեպի լավը։ Դա խոսում է այն մասին, որ կարեւոր չէ, թե դու որտեղից ես․ ակադեմիական խելքը կարող է հայտնաբերվել ում մոտ, ասես», - այսպես է աղջկա ձեռքբերումները մեկնաբանել հայրը, փոխանցում է «ՌԻԱ Նովոստին»։
Գործակալությունը նաեւ նշում է, որ հասուն մարդու IQ-ի միջին մակարդակը 100 միավորն է։ 140 միավորից բարձր IQ ունեցող մարդը հանճար է համարվում։