Չնայած Ռուսաստանում հասարակական բուռն արձագանքին՝ պատժամիջոցային ցուցակում հայտնված մթերքների ոչնչացման մասին հրամանը ուժի մեջ կմտնի օգոստոսի 6-ին, եւ այն պետք է կատարել։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը՝ մեկնաբանելով այս կապակցությամբ քաղաքացիների կազմակերպած ստորագրահավաքը։
Հարցին, թե կարող է արդյոք այդ որոշումը փոխվել հասարակության պահանջի հիման վրա, Պեսկովը պատասխանել է.«Ես չեմ կարող պատասխանել այդ հարցին։ Նախագահի հրամանը ուժի մեջ է մտնում եւ ենթակա է պարտադիր կատարման»,- գրում է ՏԱՍՍ-ը։
