ՌԴ նախագահի մամուլի քարտուղար Դմիտրի պեսկովը հայտնել է, որ Կրեմլում չեն քննարկել պահպանակների պետական գնումներն արգելելու մասին, հաղորդում է «ՌԻԱ Նովոստին»:
«Գիտեք, Կրեմլում այդ մասին չեն մտածել»,-հայտարարել է նա:
Նշենք, որ արտասահմանյան արտադրության պահպանակների, ինչպես նաեւ մի շարք այլ բժշկական ապրանքների նկատմամբ սահմանափակում կիրառելու նախաձեռնությամբ ավելի վաղ հանդես էր եկել Ռուսաստանի արդյունաբերության եւ առեւտրի նախարարությունը: Ավելի ուշ գերատեսչությունը մեկնաբանել էր արտասահմանյան պահպանակների հնարավոր արգելքը, սակայն ցանկի մնացած 99 կետերի վերաբերյալ որեւէ արձագանք չի եղել:
