Իջեւանի նախկին ոստիկանապետ Անդրանիկ Ազիբեկյանին ազատ արձակելու պահանջով մի քանի տասնյակ քաղաքացիներ այսօր՝ օգոստոսի 5-ին, փակել են Ոսկեպար-Բաղանիս միջպետական ավտոճանապարհը:
NEWS.am-ի թղթակցի հետ զրույցում Բաղանիսի գյուղապետ Նարեկ Սահակյանը հայտնեց, որ հավաքվածներն արդեն բացել են ճանապարհը:
Նշենք, որ սահմանամերձ մի քանի գյուղերի բնակիչներ այսօր կեսօրին փակել էին Ոսկեպար-Բաղանիս ճանապարհը եւ պահանջում էին ազատ արձակել 5 տարվա ազատազրկման դատապարտված՝ Իջեւանի նախկին ոստիկանապետ Անդրանիկ Ազիբեկյանին: