Գյումրիի ածիկի գործարանը պատրաստ է ընդունել հանրապետության ամբողջ որակյալ գարին: Այս մասին NEWS.am-ի թղթակցի հետ զրույցում հայտարարեց «Երեւանյան գարեջուր» (գործարանի համաներդրող) ընկերության գլխավոր տնօրեն Աշոտ Բաղդասարյանը: Գործարանի մեկ այլ ներդրող է «Գյումրի գարեջուր» ընկերությունը:
Ավելի վաղ ներդրողները գարի էին գնում Հունգարիայից եւ Գերմանիայից՝ այն փորձելով Հայաստանի կլիմայական պայմաններում:
«Հիմա խոսքը ֆերմերներինն է: Նախ՝ հարկավոր է անհրաժեշտ որակ ապահովել: Մենք մանրամասն ծանոթացրել ենք մեր պահանջներին: Երկրորդ՝ հնարավոր կլիներ նվազեցնել ինքնարժեքը, եթե փոքր տնտեսությունները միավորվեին կոոպերատիվներում, բայց չեն անում դա»,- նշեց Բաղդասարյանը:
Այսպես թե այնպես, գործարանը պատրաստ է համաձայնել նաեւ գործարանի առաջարկած գնին, միայն թե որակը չտուժի: «Այդ պայմանով պատրաստ ենք ընդունել այնքան, որ քան ֆերմերները կբերեն», հավելեց գործարանի տնօրենը:
Նշենք, որ խորհրդային տարիներին գործարանն աշխատում էր այլ հանրապետություններից բերված գարիով: 1990-ական թվականներին Հայաստանի գարեջրագործարանները ներկրում են ածիկը:
