«Ոտքի, Հայաստան» նախաձեռնության անդամները Հանրապետության հրապարակում մինչև առավոտ կշարունակեն անհանզանդության ակցիաները։
«Մինչև առավոտ մնալու ենք և լարված ենք պահելու ապօրինի գործողություններ կատարած ոստիկաններին»,–այս մասին այսօր` օգոստոսի 21–ին, «Ոտքի, Հայաստան» նախաձեռնության հրավիրած հանրահավաքին հայտարարեց նախաձեռնության խորհրդի անդամ Դավիթ Հովհաննիսյանը։
Դավիթ Հովհաննիսյանը տեղեկարցրեց, որ «Ոտքի Հայաստան» նախաձեռնության հաջորդ հանրահավաքը տեղի կունենա սեպտեմբերի 4–ին` Հանրապետության հրապարակում։
Այս պահին իրավիճակը Հանրապետության հրապարակում կրկին լարված է, ոստիկանների եւ շարժման մասնակիցների միջեւ բախումները եւ վիճաբանությունները շարունակվում են։ Ակցիայի մասնակիցները զրուցում են Երեւանի փոխոստիկանապետ Վալերի Օսիպյանի հետ։
Ինչպես ավելի վաղ հաղորդել էր NEWS.am–ը, Հանրապետության հրապարակից բերման 1iն ենթարկվել «Ոտքի, Հայաստան» նախաձեռնության անդամներ`Անդրիաս Ղուկասյանը, Դավիթ Հովհաննիսյանը, Սերգեյ Կյուրեղյանը, Անդրանիկ Մանուկյանը եւ այլք, ոստիկանի օրինական պահանջին չենթարկվելու պատճառաբանությամբ։ Նրանց ավելի ուշ ազատ էին արձակել։
Հիշեցնենք, որ հուլիսի 27-ից Հանրապետության հրապարակում նստացույց են սկսել «Ոտքի Հայաստան» շարժման մասնակիցները: Նրանք պահանջում են չեղարկել էլեկտրաէներգիան 6,93 դրամով թանկացնելու որոշումը, ՀԾԿՀ անդամների հրաժարականները եւ ՀԷՑ–ի ազգայնացում։ Նախաձեռնությունը այսօր հանրահավաք էր հրավիրել Հանրապետության հրապարակում։
Լուսանկարները՝ Արսեն Սարգսյանի /NEWS.am