Քաբուլում օտարերկրյա դեսպանատների թաղամասում տեղի ունեցած պայթյունի հետեւանքով առնվազն 10 մարդ է զոհվել, 60 հոգի վիրավորվել է: ՌԻԱ Նովոստիի փոխանցմամբ, այս մասին ասված է Աֆղանստանի Առողջապահության նախարարության հայտարարությունում:
Աֆղանստանում ՆԱՏՕ-ի ներկայացուցիչը հայտնել է 3 օտարերկրյա քաղաքացիական պայմանագրային աշխատակիցների զոհվելու մասին:
Ականատեսների վկայությամբ, մահապարտ-ահաբեկիչը պայթուցիկով լի ավտոմեքենայով բախվել է շարասյանը, որում օտարերկրյա զինվորականներ են եղել:
Պայթյունը որոտացել է ԱՄՆ դեսպանատան եւ երկրի առողջապահության նախարարության շենքերից մի քանի հարյուր մետր հեռավորությամբ: France Press-ի լրագրողի տեղեկացմամբ, պայթյունի հետեւանքով նաեւ մի մեքենա է վնասվել:
