Քալիֆորնիայի նահանգի Մոդեստո քաղաքում կրակ են բացել երեկոյի այցելուների ուղղությամբ, որի հետեւանքով մահացել է 1, վիրավորվել 8 մարդ:
Դեպքը տեղի է ունեցել օգոստոսի 23-ին, X Fest երաժշտական փառատոնի ավարտից անմիջապես հետո:
Անհայտ սեւամորթ տղամարդը կրակ է բացել երեկոյի մասնակիցների ուղղությամբ, որոնք կանգնած են եղել մուտքի մոտ:
25-ամյա երիտասարդը մահացել է ստացած վնասվածքներից, հիվանդանոցում: 8 տուժածներից երկուսը 23-ամյա աղջիկն ու 25-ամյա երիտասարդը, գտնվում են ծանր վիճակում, հաղորդում է Lenta.ru-ն՝ վկայակոչելով NBC News-ը:
Հանցագործին չի հաջողվել բռնել: X Fest փառատոնի կազմակերպիչները հայտարարել են, որ միջադեպը կապ չունի իրենց կազմակերպած միջոցառման հետ:
