Կիեւի կենտրոնում ՝ Ուկրաինայի անկախության 24-րդ տարեդարձի կապակցությամբ Անկախության շքերթ է անցել:
Հանդիսությունները սկսվել են նրանից, որ Պաշտպանության նախարարության պատվո պահակախումբը Անկախության հրապարակ է դուրս բերել Պետական դրոշը: Դրանից հետո հնչել է Ուկրաինայի հիմնը: Պաշտպանության նախարար Ստեպան Պոլտորակը շրջել է զորքերում, որոնք մասնակցում էին Անկախության շքերթին, հայտնում է Ինտերֆաքս Ուկրաինան:
Հանդիսությունների ընթացքում տեղի է ունեցել զորամասերի մարտական դրոշների հանձնման արարողությունը եւ ուկրաինական զորքերի հանդիսավոր քայլքը:
Բացի դրանից ՝ ուկրաինայի նախագահ Պյոտր Պորոշենկոն անձամբ քաջության համար պարգեւներ է հանձնել զինծառայողներին, ովքեր մասնակցել են հակաահաբեկչական գործողությանը, հայտնում է УНН-ն:
