Կոստանայի 32-ամյա բնակչուհին մեղադրվում է իր նախկին սիրեկանի կյանքի հանդեպ ոտնձգության համար, հաղորդվում է Ղազախստանի Կոստանայան շրջանի քրեական հարցերով դատարանի մամլո ծառայության տեղեկության մեջ:
Գործի նյութերի համաձայն, 2008-ին իրենց ծանոթության պահին նրանք երկուսն էլ ամուսնացած են եղել, բայց սկսել են հանդիպել եւ շուտով տղա են ունեցել: Կինը բաժանվել է օրինական ամուսնուց եւ սիրեկանից պահանջել է, որ նա էլ հեռանա իր ընտանիքից: Իր ուզածին չհասնելով` մայրը սկսել է խմել, իսկ երեխային հայրը տարել է իր ընտանիք:
Վիրավորված կինը որոշել է սպանել իր սիրեկանին եւ մարդասպանի է գտել, ընդ որում` նրան վարձատրելու համար նա ապագա զոհից է գումար վերցրել` խոստանալով, որ կհրաժարվի նրա հանդեպ բոլոր պահանջներից, հաղորդում է «Ինտերֆաքսը»:
Պատվիրատու կնոջը ձերբակալել են այն պահին, երբ գումար էր փոխանցում մի անձի, որը ձեւացրել էր, թե սպանել է վերոհիշյալ տղամարդուն: