Իսրայելի շրջանային դատարանը ուղղափառ հրեային մեղավոր է ճանաչել Երուսաղեմում տեղի ունեցած նույնասեռականների շքերթի ժամանակ մի աղջկա սպանելու համար, հաղորդում է իսրայելական Maariv թերթը:
Ավելի վաղ 40-ամյա Յիշալ Շլիսելին մեղադրանք էր ներկայացվել հուլիսի 30-ին Երուսաղեմում տեղի ունեցած միասեռականների շքերթի ժամանակ 16-ամյա մի աղջկա սպանության եւ միասեռականների շքերթի հինգ այլ մասնակցի դանակով հարվածելու համար:
Պարբերականի տեղեկության համաձայն, դատական գործընթացի ժամանակ Շլիսելը հրաժարվել է փաստաբանի ծառայություններից. «Դուք Աստծու անունից ինձ դատելու իրավունք չունեք, դրա համար էլ հետաքրքրված չեմ, որ որեւէ մեկը ներկայացնի ինձ», — հայտարարել է նա:
Հուլիսի 30-ին տեղի ունեցած միջադեպից մեկ ամիս առաջ Շլիսելին բանտից ազատել էին համանման հանցագործության համար 10 տարվա ազատազրկումից հետո, նշում է Ռիա Նովոստին:
