Թուրքիայի Արտվին նահանգի Հոփայի շրջանում, որտեղ հիմնականում համշենահայեր են բնակվում, հորդառատ սելավների հետեւանքով 8 մարդ է զոհվել, վնասվածքներով հիվանդանոց տեղափոխվել՝ 17-ը։
Թուրքական Milliyet-ի փոխանցմամբ՝ Հոփայի քաղաքապետ Նեդիմ Ջիհանը հայտարարել է, թե Հոփայում վերջին 50 տարվա մեջ նման հորդառատ անձրեւ չի եկել։
Նա նշել է, թե Հոփայում 6 ժամվա մեջ տեղացել է 4 տարվա համար նախատեսված անձրեւ, ինչն էլ ջրհեղեղի եւ փլուզումների պատճառ է դարձել։