Հայաստանի ՏԿԱԻՆ-ում, օգոստոսի 25-ին, ժամը 22.36-ին ահազանգ է ստացվել, որ Երեւանի Լենինգրադյան փողոցից դեպի Սեբաստիայի փողոց տանող ճանապարհին տեղի է ունեցել ավտովթար. բախվել են «ԲՄՎ» եւ «Մերսեդես» մակնիշների ավտոմեքենաներ, առկա է գազի արտահոսք. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ դեռեւս չբացահայտված հանգամանքներում Լենինգրադյան եւ Սեբաստիայի փողոցների խաչմերուկում բախվել են «ԲՄՎ» մակնիշի 34 CF 989 եւ «Մերսեդես» մակնիշի 24 LO 044 համարանիշների ավտոմեքենաները. տուժածներ չկան:
Հրշեջ-փրկարարները հոսանքազրկել են ավտոմեքենաները եւ փակել «Մերսեդես» մակնիշի ավտոմեքենայի գազի բալոնի փականը:
