Հայաստանում Սահմանադրական բարեփոխումների նպատակը նախագահի գործունեության շարունակականությունն ապահովելը չէ։ Այս մասին օգոստոսի 26-ի մամուլի ասուլիսում հայտարարել է Ազգային ժողովի պատգամավոր, Հայաստանի իշխանական Հանրապետական կուսակցության անդամ, ՀՀ ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը՝ անդրադառնալով այն հարցին, թե ինչու է Հայաստանի նախագահ Սերժ Սարգսյանը որոշել հենց հիմա փոխել Սահմանադրությունը։
Նրա խոսքով՝ Սերժ Սարգսյանը այն գործիչներից մեկն է, ում կենսագրությունը կապակցված է Հայաստանի ու Լեռնային Ղարաբաղի կայացման ու զարգացման բոլոր փուլերին։ «Սահմանադրական բարեփոխումները բխում են հասարակական պահանջից։ Անընդհատ քննարկվել է երկրի կառավարման ձեւի արդյունավետությունը։ Այստեղ մենք ոչ թե նախագահի գործունեության դաշտն ենք քննարկում2018 թ հետո, այլ երկրի կառույցների»,- նշել է Արտակ Զաքարյանը։ Վերջին խոսքը ՀՀ քաղաքացունն է լինելու ՝ շեշտել է պատգամավորը։