Հայաստանից օգոստոսի 1-ին մեքենայով Ուկրաինա մեկնած 27-ամյա Դավիթ Դավթյանի գտնվելու վերաբերյալ դեռեւս որեւէ տեղեկատվություն չկա: Այս մասին NEWS.am-ի թղթակցին ասաց Դավիթի մանկության ընկերը՝ Ռոբերտ Բեջանովը:
Նրա խոսքով՝ թեեւ Դավիթ Դավթյանի անհետանալու դեպքով զբաղվում են եւ Հայաստանի, եւ Ռուսաստանի, եւ Ուկրաինայի իրավապահ մարմինները, այս պահին որոնումները որեւէ արդյունք չեն տվել:
Նշենք, որ Դավիթ Դավթյանը Խարկով է մեկնել Opel Astra G մակնիշի մուգ կապույտ ավտոմեքենայով, որի համարանիշն է 34 MQ 795: Դավիթը Երեւանից հագուստ էր տանում Խարկով, եւ անմիջապես պետք է վերադառնար, սակայն ընտանիքն օգոստոսի 3-ից նրա մասին տեղեկատվություն չունի:
Տեղեկություն իմացողներին հարազատները խնդրում են զանգահարել հետեւյալ հեռախոսահամարով՝ +37496-77-99-88: