Թաիլանդի իրավապահ մարմինները կասկածում են, որ «Գորշ գայլեր» թուրքական ծայրահեղական կազմակերպությունն առնչություն ունի օգոստոսի 17-ին Բանգկոկում կատարված ահաբեկչության հետ։
Բանգկոկի կենտրոնում կատարված պայթյունին նախորդած 15 օրերին Թաիլանդում է գտնվել Թուրքիայի քսան քաղաքացիներից բաղկացած մի խումբ։ Ահաբեկչության մեղավորներին փնտրում են այդ խմբի անդամների շրջանում, հայտնում է Bangkok Post-ը ՝ վկայակոչելով ոստիկանության աղբյուրին։ Հետաքննությունը կասկածում է, որ նրանք թուրքական «Գորշ գայլեր» ծայրահեղական կազմակերպության անդամներ են։
«Գայլերը» կարող էին այդ ահաբեկչությունը կազմակերպել, որպես վրեժխնդրություն Թաիլանդին ու Չինաստանին ՝ Թաիլանդից ՉԺՀ հարյուր ույգուրների արտաքսման համար։ Այդ ույղուրները փախել էին Չինաստանից ու հայտնվել Թայլանդում, հայտնումէ հրատարակությունը։ Իրավապահ կազմակերպությունների տեղեկություններով ՝ արտաքսումը արվել է ընտանիքների բաժանումով, իսկ բոլոր տղամարդ ույգուրները Չինաստանում նրանց օդանավի վայրէջք կատարելուց հետո անհետ կորել են, հայտնում է «ՌԻԱ Նովոստին»։