Արցախի հյուսիս-արեւելյան զորամասերից մեկում օգոստոսի 11-ին դիվերսիոն ներթափանցման ժամանակ գլխի հրազենային վնասվածք ստացած Հովհաննես սարկավագ Գալստյանը դուրս է գրվել հոսպիտալից: Այս մասին NEWS.am-ի հետ զրույցում ասաց Կենտրոնական կլինիկական զինվորական հոսպիտալի փոխտնօրեն Արտաշես Խաչատրյանը:
«Վիճակը բավարար է, բարդություններ չեն առաջացել, ուղարկել ենք վերականգնողական արձակուրդի, որի ընթացքում բնականաբար կլինի մեր հսկողության տակ»,- ասաց Արտաշես Խաչատրյանը:
Ավելի վաղ NEWS.am-ը հայտնել էր, որ օգոստոսի 11-ի երեկոյան ԼՂՀ հյուսիս-արևելյան ուղղության զորամասերից մեկի ուղղությամբ հակառակորդի կողմից իրականացվել էր հետախուզադիվերսիոն ներթափանցման փորձ։
Զորամասում հոգևոր ծառայություն իրականացնող սարկավագը՝ Հովհաննես Գալստյանը, վիրավորվել էր հացի մեքենայով դիրքեր բարձրանալիս, հակառակորդը կրակել էր մեքենայի ուղղությամբ: Հրազենային վնասվածք ստացած ստացել զինծառայողին ու սարկավագը տեղափոխվել էին նախ Ստեփանակերտ, ապա Երեւան:
