Ստամբուլում ջուր գնելու համար խանութ մտած իռլանդացի զբոսաշրջիկի վրա մահակներով ու աթոռներով հարձակված, սակայն ծեծ կերած թուրքերը պատմել են, որ իռլանդացին կարծես բետոն լիներ, իսկ նրա հարվածներն անմարդկային էին։
Թուրքական Hurriyet-ի փոխանցմամբ՝ խանութի սեփականատեր Շենոլ Փալանը, ով հանդիսացել է իռանդացի զբոսաշրջիկի վրա մահակով առաջին հարձակվողը, պատմել է, թե իռլանդացին շատ ուժեր է, իսկ նրա հարվածները գետին էին պառկեցնում։ «Հետո հարեւանությամբ գտնվող խանութների ու տաղավարների աշխատողներն օգնության եկան, սակայն նա բետոնի նման կանգնած էր, անմարդկային հարվածներ էր մեզ հասցնում։ Մի քիչ հանգստանում էր, հետո նորից մեզ ծեծում»,-ասել է Շենոլ Փալանը։
Նշենք, որ այս տեսագրությունը մեծ արձագանքն է գտել Թուրքիայում, իսկ սոցկայքերում օգտատերերը գրում են, թե ամբողջ Թուրքիան խայտառակ եղավ, քանի որ իռանդացի զբոսաշրջիկը միայնակ ծեծել է մի ամբողջ թաղամասի։
