Ռամզան Կադիրովը թեքվոնդոյից սեւ գոտու եւ ոսկե շքանշանի տեր է դարձել: Այդ մասին նա հաղորդել է «Ինստագրամ» ցանցի իր բլոգում:
Յոթերորդ դանի գոտու եւ շքանշանի հանձնումը տեղի է ունեցել հանդիսավոր միջավայրում` «Ահմատ- Սարսափելի ճակատամարտ 6» մարտական շոուի ընթացքում, որն օրերս տեղի է ունեցել Գրոզնիում:
«Միջազգային մարտական «Ահմատ» շոուի ընթացքում ինձ անսպասելի անակնկալ մատուցեցին: Թեքվոնդոյի միջազգային բազմաոճ ֆեդերացիայի նախագահ (ATF) Սերգեյ Կովալյովը եւ Ռուսաստանի թեքվոնդոյի բազմաոճային ֆեդերացիայի նախագահ Նիկոլայ Մանյակը ինձ սեւ գոտի հանձնեցին` թեքվոնդոյի յոթերորդ դան եւ ոսկե շքանշան: Դիպլոմում նշված է, որ նման պատվի եմ արժանացել այդ մարտարվեստի զարգացման գործում ներդրում ունենալու համար: Հյուրերը նաեւ անվանական ժամացույց նվիրեցին, ճարմանդ, փողկապ եւ կիմոնո»,- հաղորդում է Չեչնիայի ղեկավարը իր «Ինստագրամում»:
