Լոս Անջելեսն իր ճանապարհների ծանրաբեռնվածությամբ ԱՄՆ-ի երկրորդ քաղաքն է: Արդեն երկար տարիներ է, ինչ վարորդները տարեկան 80 ժամ անցկացնում են խցանումներում: Ամենածանրաբեռնված քաղաքը Վաշինգթոնն է, որտեղ խցանումների մեջ ավելի երկար ժամանակ են անցկացնում` տարեկան 82 ժամ:
Երրորդ տեղում, փորձագետների տվյալներով, Սան Ֆրանցիսկոն է` 78 ժամ խցանումներում, այնուհետեւ Նյու Յորքը եւ Սան Խոսեն, համապատասխանաբար` 74 եւ 67 ժամերով:
ԱՄՆ-ի տրանսպորտի նախարարության տվյալներով ամերիկացիները ընդհանուր հաշվարկով երեք միլիոն մղոն ճամփա են անցնում, ինչով 2007 թվին ռեկորդ են սահմանել:
Մասնագետների խոսքով, խցանումների խնդիրը հնարավոր կլինի լուծել, եթե ձեռնարկությունները իրենց մասնագետների համար փոխեն աշխատանքային գրաֆիկները, դրանք ավելի ճկուն դարձնեն: