Ուկրաինայի ներքին գործերի նախարար Արսեն Ավակովը օգոստոսի 27-ին երկրի ֆինանսական գերատեսչության ղեկավար Նատալյա Յարեսկոյին եւ վարչապետ Արսենի Յացենյուկին 120 մմ արկի նախշազարդ պարկուճ է նվիրել։ Այս մասին հայտնում է «112» հեռուստաընկերությունը։

Նախարարը նվերը հանձնել էր վարկատուների հետ համաձայնության պայմանների հրապարակումից հետո, որոնց համաձայն՝ Ուկրաինայի պետական պարտքի մի մասը ներվել է։ Շնորհավորելով գործընկերներին՝ ՆԳ նախարարը Յարեսկոյին խորհուրդ է տվել բանակցությունների մասին գիրք գրել։

Նշենք, որ այսօր ֆինանսների նախարարը հայտարարել էր վարկատուների հետ համաձայնության գալու մասին, ըստ որի՝ երկրի արտաքին պարտքի 20 տոկոսը ներվել էր։