Կամբոջայի դատարանն օգոստոսի 27-ին 5 տղամարդու 7 տարի ժամկետով ազատազրկման է դատապարտել՝ Քանդալ նահանգի մենաստանից Բուդդայի մասունքներով ոսկե սափորը գողանալու համար: 6-րդ կասկածյալն արդարացվել է:
Թանկարժեք սափորը, որում, ինչպես ենթադրվում է, պահպանվում են Բուդդայի ատամները, մազերն ու ոսկորները, ինչպես նաեւ մի քանի փոքրիկ արձանիկներ, գողացել էին 2013 թվականի վերջին, ինչը մեծ սկանդալ են հրահրել բուդդայական երկրում: Ըստ Bangkok Post-ի, գողոնը հաջողվել է գտնել 2014 թվականի փետրվարին, երկրի հարավային գավառներից մեկի մի առանձնատանը:
Գողությունը կատարելու մեղադրանքով 6 մարդ դատարանի առջեւ է կանգնել, որոնցից 4-ը տաճարի անվտանգության ծառայության աշխատակիցներից են եղել:
Բուդդայի մասունքները Շրի Լանկայից Կամբոջա են բերվել 1950 թվականին, Բուդդայի ծննդյան 2500-ամյակի առիթով:
