Ճապոնիայում խոշորագույն հանցավոր խմբավորումը՝ «Յամագուտի-գումի»-ն, պառակտվել է:
Այս մասին տեղեկությունը Kyodo գործակալության հետ զրույցում հաստատել են ճապոնացի իրավապահները: «Յամագուտի-գումի»-ն ավելի քան 10 խմբավորման է բաժանվել:
«Ռոսիյսկայա գազետա»-ի փոխանցմամբ, իրավապահները մտավախություն ունեն, որ կարող է պատերազմ սկսվել՝ հանցավոր աշխարհում ազդեցության ոլորտները վերաբաժանելու համար: Ենթադրվում է, որ օգոստոսի 27-ին խմբավորման արտահերթ նիստ է կայացել, որտեղ քննարկվել է գործողությունների հետագա ծրագիրը:
«Յամագուտի-գումի» խմբավորումը ձեւավորվել է դեռեւս 1915 թվականին, Կոբե քաղաքում: Ոստիկանության տվյալներով, այն իր ազդեցությունն է տարածել Ճապոնիայի 47 շրջաններից 44-ում: Մոտավոր գնահատականներով, խմբավորումը 23 հազար մարդու է միավորում: