ՀՀԿ գործադիր մարմնի նիստում այսօր՝ օգոստոսի 27-ին, արդարադատության նախարարի հարց չի քննարկվել։ Այս մասին ԳՄ նիստից հետո լրագրողների հետ զրույցում ասաց ԱԺ փոխնախագահ, ՀՀԿ մամուլի խոսնակ Էդուարդ Շարմազանովը։
«Կա արդարադատության նախարարի պաշտոնակատար եւ համապատասխան ժամկետներում կնշանակենք նոր նախարարին»,- ասաց ՀՀԿ մամուլի խոսնակը։
Ինչ վերաբերում է մամուլում շրջանառվող հավանական անուններին, Շարմազանովը նշեց, որ դրա մասին պետք է հարցնել այն մարդկանց, որոնք այդ անունները շրջանառում են։
Ի դեպ, ըստ մամուլի՝ արդարադատության նախարար է նշանակվելու արդարադատության նախարարության ՔԿՎ պետ Արթուր Օսիկյանը։
Հիշեցնենք, որ արդարադատության նախարար Հովհաննես Մանուկյանը հուլիսի 14-ին հրաժարականի դիմում է ներկայացրել։