Ֆրանսիայում կալանավորել են 2 լրագրողի, որոնք գիրք են գրել Մարոկկոյի թագավոր Մուհամմեդ 6-րդի մասին։ Նրանց մեղադրում են միապետից շանտաժի միջոցով 5 մլն եվրո կորզելու փորձի մեջ։
Էրիկ Լորանն ու Կատրին Գրասիեն Մուհամմեդ 6-րդին առաջարկել են գումարի դիմաց հրաժարվել գիրքը հրատարակելուց, որը, նրանց խոսքով, թագավորին վարկաբեկող տեղեկություն է պարունակում։
Օգոստոսի 11-ին Լորանի փաստաբանը հանդիպել է թագավորին եւ ներկայացրել պահանջները։ Մարոկկոյի իշխանությունները դիմել են Ֆրանսիայի ոստիկանությանը, իսկ ոստիկանությունը սկսել է հետեւել ենթադրյալ շանտաժիստներին։ Իրավապահները տեսագրել են Լորանի ու Գրասիեի եւս մի հանդիպում թագավորի հետ, որի ընթացքում նրանց հանձնել էին գումարի մի մասը։ Հենց այդ գումարի առկայությամբ էլ նրանց ձերբակալել են, հայտնում է BBC-ի Ռուսական ծառայությունը։
Էրիկ Լորանը հեղինակել է նաեւ Մարոկկոյի նախորդ թագավոր Հասան 2-րդի մասին պատմող գիրքը, որը լույս էր տեսել 1993թ.։
Մուհամմեդ 6-րդը գահ էր բարձրացել 1999թ։