Մեծ Բրիտանիայի քաղաքացին դատարանում խոստավանել է, որ մաքսանենգ ճանապարհով 100 կգ մետամֆետամին է ուղարկել Հյուսիսային Կորեայից ԱՄՆ։
48-ամյա Սքոթ Սթեմերսը Թաիլանդում 2013թ․ սեպտեմբերին ձերբակալված հինգ մարդկանցից մեկն է։ Հետաքննության տվյալներով երկու ձերբակալվածները հոնկոնգյան հանցավոր կազմակերպության անդամներ էին ու զբաղվում էին ԿԺԴՀ տարածքում արտադրված թմրադեղերի վերավաճառքով։ Եվս երկուսը՝ Բրիտանիայի հպատակներ, զբաղվում էին մետամֆետամինի պահպանումով ու փոխադրումով, հայտնում է «ՌԻԱ Նովոստին»։
Մեղադրյալին սպառնում է տասը տարվա ազատազրկում։ Ավելի վաղ մաքսանենգության համար իրենց մեղավոր էին ճանաչել այդ հանցավոր խմբի եւս երեք անդամ։
Խմբի անդամները հայտարարել էին, որ իրենք Հյուսիսային Կորեայից մետամֆետամինի միակ մատակարարներն են։ Նրանց կողմից ԱՄՆ մատակարարված խմբաքանակից վերցված նմուշի մաքրությունը կազմում էր մոտավորապես 98 տոկոս։